බැළු බැළු අත වියවුලක් ..

 ‍‍‍‍පොඩි සාදුට දැන් ලංකාව එපා වෙලාය.ලංකාව විතරක් නෙමෙයි සාසනෙත් එපා වෙලා කියන්ඩ හේතු කාරණා මහ ගොඩක් තියෙනව.මේව කියලත් බැරි නොකියත් බැරි දේවල්ය.කීවොත් සඟ නසී නොකිව්වෙත් වෙහෙර නසී වැනි තත්වයක් නිසා කියන එකම හොදයි කියා හිතේ

සමාජය,සංස්කෘතිය,ආගම,දහම,ඉතිහාසය,යන සියළු කාරණාවල පරිහානියකට පත්ව ඇති කාලසීමාවක් බොහෝමත් අසීරුවෙන් ගෙවා දමන අවස්ථාවක ලාංකීය ජන විඥ්ඥානය කෙසේනම් සැපක් සතුටක් භුක්ති විදිනේදැයි රටේ පාලක සබාවෙන් අසන්නේ දැඩි කලකිරීමත් හිත් රිදීමත් ඉවසා වදාරනු බැරි තැනය. 

සිල් රෙදි හොරුන් වෙනු⁣වෙන් ජනතාවගෙන් සිඟා කෑවේ රටේ වගකිවයුතු භික්ෂූන් වහන්සේලාය.උගත් පඬිරුවනක් වන ගෞරවනීය මැදගොඩ අබයතිස්ස හාමුදුරුවන් මේ දෙයට මැදිහත් වීමෙන් පෙනී යන්නේ අතීතයේ රට කරවූ මහරජු කෙතරම්නම් භික්ෂු සාසනය ගණිකා සේවයේ  යොදවා ඇත්තද යන්නයි.භික්ෂුවට දේශපානය අතීශයින්ම සුදුසුය.නමුත් ඒ දේශපානලයයි.නමුත් ලංකාවේ ඇත්තේ දේශපාලනයක් නොව මීහරක් පට්ටියක් විසින් මී හරක් පට්ටියක් පාලනය කිරීමට දේශපාලනය යන ටගෟරවනීය නාමය දීම ඉතාමත් වැරදිය. ලංකාවේ සෑම පරිහාණියකට වග කිව යුත්තේ භික්ෂු සංඝරත්නයයි.පෙර අතීතය විමසා බැලීමේදී භික්ෂුව රටේ පරිහානික තත්වයන් වලදී ක්‍රියා කල අයුරු අපේ හාමුදුදුරුවරුන්ටන ඇන ඉගැන්විය යුතු නැත.රටේ පුශ්නයට ආගමිකයන් මැදිහත් විය යුතුය නමුත් ඒ දේ තම ආගමික තත්වයෙන් බැහැර වී කරනවානම් වඩාත් සුදුසුය.

රටේ දේශපාලනික වාතාවරණය නැමැති ලෙඩට අපේ පාලකයන් සහ රට වැසියන් බෙහෙත් කරන්නේ අතීසාරයට අමුඩය ගසනවා වැනි ආකරයටය.ඒකටම හොදම නිදසුන වන්නේ සයිටම් නැමති රෝගයට අපේ අන්තරේ සිසු සිසුවියන්ගේ ක්‍රියාකලාපයයි.ඔවුනුත් දැන් සයිටම් සිසු ගණයටම අයත් වී හමාරය.මාස අටක කාලසීමාව තුල පන්ති නොපවත්වා තමන්ගේ අධ්‍යාපනයට හානි කරගන්නාවූ අහිංසක සිසු දරුවන් පොඩි සාදුගේ හිත උණු වූ අවස්ථා අපමණය.නමුත් මම කියා මොනවා කරන්නද? ඉතිං සිසුවනි නුඹලා මුලින්ම කල යුත්තේ ඉගෙන ගැනීමයි.පාලකයා පත්වී ඇත්තේ රට්ටු සුඛිත කිරීමටය.එතුමන්ලාට ඒ ගැන වගේ වගක් වගක් නැත්නම් ඔබලා සිය දහස් ගනන් ලේ වැගිරිවද පලක් නොවන්නේමය.අමනුෂ්‍යයන් රාජ්‍ය පාලනයට බත් කරගත්තේද උඹලාමය,අපිමය.

නූඹලා නුඹලාගේ අධ්‍යාපන වේල මිඩංඟු කරමින් සටන් වැදුනද නුඹලා හා එක්ව සිටින මහාචාර්ය වරු පඩි ගනිති,වෛද්‍ය වරු පඩි ගනිති.නුඹලාට ලැබුනු දෙයක් නැත.සරසවි සිසුන් උද්ඝෝණ කල යුත්තේ නිදහස් අධ්‍යාපනය වෙනුවෙන්ය.

මා දන්නා පමණින් ලංකාවේ සරසවි වලින් එළියට එන සීයට පංගුවකටවක් නණ ලළ භේදය සහිතව නිවැරදි රචනාවක් ලියා ගන්නට බැරිය.ඒ බව පවසන්නේ ඉතාමත් වගකීමෙනි. කිසිදු දෙයක් නොදන්නා හාල්පාරු ගුරුවරු හැම පාසලකම සිටී.අධ්‍යාපන නිදහස යනු නිවැරදි දේ ඉගෙනීම මිස මුදල් වියදමකින් තොරව අධ්‍යාපනය ලැබීම නොව.ඒ වෙනුවෙන් එක සිසු සිසුවියක්වත් තනිව හෝ පාරට බසින ආකාරයක් මා දැක නැත.තම අධ්‍යාපන අයිතිය යනු නිවැරදි දේ නිවැරදිව ඉගෙනීමයි.පාලක ක්ෂේත්‍රයට ගොටු අල්ල කිසිදු සුදුසු කමක් නැතිව උගන්වන මහාචාර්ය වරු කතිකාචාර්ය වරු අප්‍රමාණය.ඒවා ගැන නුඹලා කතා කරනවානම් නුඹලා සමඟ සිට ගැනීමට මමද සූදානම් බව ආදරයෙන් කියමි.

රෝහින්‍යා සරණාගතයින් ලංකාවට එන්නේ  පිහිටක් පතමින්ය.අපිත් රට රටවලින් පිහිට පතන කාලයක අපි කෙසේ නම්  ඔවුනට පිහිට වෙමුදැයි පොඩි සාදු මේ දවස්වල බර කල්පනාවකය. එකත් එකටම ඔවුන් රටකින් පලවා දමන්නේ ඒ රටට පිලිලයක් වූ නිසාවෙනි.බෞද්ධ රටකින් ත්‍රස්තයන් ලෙස නම් කරමින් පලවා දමන මේ ඇත්තන් ලංකාවට ඇවිත් ලාංකිකයන් සමඟ අත්වැල් බැද ගනීයයි මටනම් සිහිනෙකින්වත් නොසිතෙයි.මුස්ලිම් සමය පිළිබඳව ප්‍රාමාණික දැනුමක් ඇති මට මේ සිද්ධිය ගැන යම් අදහසක් ඇත.මේවා ගැන නැවත නැවතත් හාරා අවුස්සන්ට යන්නේ නැත.මන්ද මා ජාතිවාදියෙකු හෝ ආගම් වාදියකු වීමට එතරම් ප්‍රිය නොකරණ බැවිනි.

රටේ බාගයට බාගයක් කුඩු සැපයීම කරන්නේ බදිවුදීන් නැමති මුස්ලිම් ජාතික ඇමතිවරයාය.ඔහු සතොස හරහා ගෙනා කුඩු තොගය එක කන්ටේනරයකින් රේගුවට හසු වූ බව රටම දැනගත්තේය.නමුත් ඒවා දැන් ඉවරය.දුෂ්කර පලාත් වල තරුණ කොල්ලන් ඒවාට ඇබ්බැහි වී තිබෙන ආකාරයද මා දැක ඇත්තෙමි.මේවා බරපතල ප්‍රශ්නය.උත්තර සෙවීමට මා බලධරයකු  නොවන බැවින් ගොළුවත රකිමි.(මුස්ලිම් යහළුවන් මට අපමණය.ඒ අයද මේවාට විරුද්ධ බව මා හොදින්ම දනිමි)

අප මේ පසු කරමින් සිටින්නේ සාසනයේ විපරීත කාලයකි.මහානයක වරුන් දේශපාලන ආතල් ගනිති.භික්ෂු සංඝයාද එසේමය.පසුගිය දා අවසන් වූ කොළඹ ජාත්‍යන්තර පොත් ප්‍රදර්ශනයට ගිය පොඩි සාදු තවත් යහළු හිමිවරුන් දෙපලක් සමඟ එළියට එන පොඩි සාදු අත්දකින්නේ අවාසනාවන්ත අද්දැකීමක්ය.ඒ බෞද්ධ හා පාලි විශ්ව විද්‍යාලීය භික්ෂු දෙනමක් කැට තියාගෙන තම සරසවියේ කලා උළෙලට මුදල් එකතු කරමින් සිටීමයි.මා කළකිරුණද රුපියල් විස්සක් කැටයයට දමා සිනා මුවින් මා එතනින් ඉවත් වෙන්නේ රටේ මහජනයාගේ මුදල් සොරකම් කර බන්දනාගාර ගත කල සොරුන් දෙපලකි බේරා ගැනීමට මුදල් සිගා කෑ භික්ෂූන් සිටින රටක කලා උළෙලකට මුදල් එකතු කිරීමේ වරදක් මට පෙනෙන්නට නොමැති වීමෙනි.

වසර තිහක යුද්ධය හමාරය. නමුදු එය තවමත් ඇත.දෙමළා සිංහලයා සමඟ තවමත් හිත් රිදීම් ඇත.සිංහලයාද එසේමය.ජාතීන් අතර යුද්ධයකින් පසුව මේ එළැඹෙමින් පවතින්නේ ආගමික යුද්ධයකි. 

ආගමික ප්‍රශ්නයට එක මොහොතකින් විසඳුම් දිය හැක්කේ රජයටය.නමුත් ඔවුහු ප්‍රශ්නය දිග් ගස්සමින් මඩිය කර කරගන්නා බවක් පොඩි සාදුට පෙනේ.

    

ගුරුුුුුුුගොඩ සිරිවිමල